Ross MacLeod starfar hjá Royal National Lifeboat Institution (RNLI), þar sem hann tekur þátt í að leiða samstarf, málsvarastarf og miðlun með það að markmiði að koma í veg fyrir drukknanir í Bretlandi og á Írlandi. Hann hefur leitt þróun Float to Live herferðarinnar og er jafnframt varaformaður Water Safety England.

Dr. Sarah Spelsberg er sérfræðiráðgjafi í bráðalækningum við Mayo Clinic í Flórída, framkvæmdastjóri vettvangsstarfsemi World Extreme Medicine í Bandaríkjunum og læknisfræðilegur framkvæmdastjóri Project NEPTUNE 100.

Í rúma tvo áratugi hefur Dave Weber starfað sem bráðatæknir á afskekktum vinnustöðum, stjórnað rekstri björgunarþyrla og verið kennari í sérhæfðri færni. Hann er eigandi fyrirtækisins Mountain Rescue Collective, LLC, sem sérhæfir sig í tæknilegri þjálfun og mati á björgunaráætlunum og viðbragðsgetu.

Kevin Grange er sjúkraflutningamaður í þyrluþjónustu á sviði gjörgæsluflutninga og starfar jafnframt sem slökkviliðs- og sjúkraflutningamaður hjá Jackson Hole Fire/EMS í Wyoming.

Seamus Bradley hefur tekið virkan þátt í fjallabjörgun á Írlandi frá árinu 1993. Í vettvangsstörfum hefur hann verið liðsstjóri North West Mountain Rescue Team og Donegal Mountain Rescue Team á norðvesturhluta Írlands.

Guðbrandur Örn er verkefnastjóri leitar og björgunar hjá Slysavarnafélaginu Landsbjörg, ritari Landsstjórnar björgunarsveita, virkur aðgerðastjórnandi á höfuðborgarsvæðinu og félagi í björgunarsveitinni Kyndli í fjallaparadísinni Mosfellsbæ.

Mikael er markaðssérfræðingur hjá W. L. Gore í Skandinavíu og sérhæfir sig í lagskiptum Gore-Tex-efnum fyrir almannavarnir og neyðarviðbragð (112). Hann hefur yfir 30 ára reynslu af þróun sérhæfðs hlífðarfatnaðar fyrir krefjandi störf, svo sem leit og björgun og slökkvistarf. Hann hefur aðsetur í Gautaborg í Svíþjóð.

Sarah H. Seiler, PhD, MSN, MBA, RN, er sjálfboðaliði í leitar- og björgunarstarfi og slökkviliðsmaður með meira en 30 ára reynslu af störfum í krefjandi umhverfi þar sem gerðar eru miklar kröfur um öryggi og áreiðanleika. Starfsreynsla hennar spannar leit og björgun í óbyggðum og fjalllendi, bráða- og gjörgæsluhjúkrun, viðbrögð við hamförum, líffæragjafir og nær tveggja áratuga reynslu af stjórnun og forystu innan skipulagsheilda. 

Björgun 2026 verður formlega sett í Hörpu föstudaginn 16. október kl. 11:00.

Dr. Robert J. Koester gekk fyrst til liðs við Appalachian Search & Rescue Conference árið 1981 og hefur síðan tekið þátt í hundruðum leitarverkefna, þar af í meira en hundrað skipti sem aðgerðastjóri. Í dag starfar hann sem leitarstjórnandi og leiðbeinandi hjá almannavarnastofnun Virginíuríkis, Virginia Department of Emergency Management. Hann lauk doktorsprófi frá University of Portsmouth á sviði leitarfræða.

Hann er félagi í Royal Geographical Society og Institute of Search & Technical Rescue. Árið 2025 var hann valinn áhrifamesti einstaklingurinn á Global Search & Rescue Excellence Awards.

Sjókayak hefur verið mín ástríða síðustu 15 ár. Á þeim tíma hef ég aflað mér fjölbreyttra réttinda á sviði leiðsagnar og kennslu í kayakróðri. Ég hef róið umhverfis Ísland og Írland og leitt fjölda leiðangra víða um heim.

Dr. Mallinson er félagi í Assynt Mountain Rescue Team í skosku hálöndunum og starfar sem læknir við bráðaþjónustu utan sjúkrahúsa í Skotlandi.

Fredrik Eide er lykilviðskiptastjóri fyrir varnarmál, lögreglumál og leit og björgun hjá Hansen Protection. Bakgrunnur hans er úr norska hernum, alþjóðlegum verkefnum og rekstrarreynslu úr slökkvi- og björgunarþjónustu. 
Erling Høydahl er sölustjóri persónuhlífa fyrir Norðurlönd hjá Hansen Protection. Bakgrunnur hans er úr norsku strandgæslunni, hann er menntaður atvinnukafari og hefur víðtæka reynslu af samstarfi við varnaraðila, sjórekstur, leitar- og björgunarsamtök og aðra viðbragðsaðila um Norðurlönd.

F

Zagor starfar sem gæðaverkfræðingur og vöruráðgjafi hjá Flashgroup í Hollandi. Flashgroup er leiðandi fyrirtæki í þróun sýndarveruleikaþjálfunarbúnaðar fyrir viðbragðsaðila um allan heim

Jacques van der Ent starfar sem Chief Commercial Officer (CCO) hjá Flashgroup í Hollandi.
Flashgroup er leiðandi fyrirtæki í þróun sýndarveruleikaþjálfunarbúnaðar fyrir viðbragðsaðila um allan heim.

Ég hef starfað við sjúkraflutninga frá árinu 2004 og síðastliðin 11 ár hef ég starfað sem sérhæfður bráðatæknir á sviði bráðveikra og alvarlega slasaðra hjá London Ambulance Service NHS Trust. Á þeim tíma hef ég einnig starfað fyrir Magpas Air Ambulance og London’s Air Ambulance. 

Karl Birgir Björnsson er framkvæmdastjóri og meðstofnandi Hefring Marine, íslensks fyrirtækis sem þróar snjallkerfi til að hámarka og greina rekstur skipa. Frá stofnun fyrirtækisins árið 2019 hefur hann leitt þróun þess frá hugmyndastigi yfir í alþjóðlegt vaxtarfyrirtæki með viðskiptavini meðal annars á sviði varnarmála, atvinnusiglinga og ómannaðra sjófarartækja.

Arnar er sölustjóri hjá BRP Ellingsen og félagi í Flugbjörgunarsveitinni í Reykjavík þar sem hann hefur starfað í vélsleðaflokki sveitarinnar undanfarin 25 ár. 

Stephan Mantler leiðir starf innan Vatnajökulsþjóðgarðs varðandi öryggi ferðamanna á jöklum, og samskonar starf varðandi Sólheimajökul.

Vilborg Arna Gissurardóttir hefur áralanga reynslu af leiðöngrum um háfjöll og pólarsvæði. Hún hefur meðal annars leitt leiðangra í Himalajafjöllum og yfir Grænlandsjökul, skíðað einsömul á Suðurpólinn og starfað á Suðurskautslandinu sem búðarstjóri og við öryggismál. 

Ari er tveggja barna faðir og nú stoltur afi tveggja barnabarna. Áhugi hans á hraða við krefjandi aðstæður skilaði honum snemma á fullorðinsárum nokkrum titlum í rallakstri hér á landi.

Ísak er sjúkraþjálfari hjá Gló æfingastöð

Scott Hammond er landkönnuður, leitarhundastjórnandi og rithöfundur sem býr og starfar í Klettafjöllum Bandaríkjanna. Hann kennir við Utah State University og er aðgerðastjóri hjá björgunarsveit lögreglunnar í Utah-sýslu. Sveitin er aðili að fjallabjörgunarsamtökunum Mountain Rescue Association (MRA) og sinnir yfir 100 útköllum á ári.

Sarah Seiler, PhD, er sjálfboðaliði í björgunarstarfi í Norður-Karólínu í Bandaríkjunum og á að baki farsælan feril í stjórnun heilbrigðisþjónustu. Nýlegar rannsóknir hennar á áfallatengdum streituáverkum (PTSI) í björgunarstarfi hafa verið sagðar marka tímamót.

Piia Kallas er stjórnarformaður og framkvæmdastjóri Päästeliit, eistnesku björgunarsamtakanna. Hún hefur víðtæka stjórnunarreynslu, bæði úr rekstri opinberra fyrirtækja og úr viðbragðsstarfi sjálfboðaliða. Hún sat meðal annars í stjórn eistneska ríkisfasteignafélagsins Riigi Kinnisvara AS í 13 ár. 
Hendrik Tali er samskiptastjóri hjá Päästeliit, eistnesku björgunarsamtökunum, og sjálfboðaliði í björgunarsveit Kaberneeme. Starf hans snýr einkum að upplýsingamiðlun, þróun björgunarstarfs sjálfboðaliða, alþjóðlegu samstarfi og eflingu viðbúnaðar samfélaga.

Friðrik Jónas Friðriksson er formaður svæðisstjórnar björgunarsveita á Suðausturlandi. Hann starfar sem rafvirki á Höfn í Hornafirði og einnig sem sjúkraflutningamaður í hlutastarfi.

Ragna og Hákon eru systkini sem hafa um árabil starfað með Hjálparsveit skáta í Kópavogi.  Bæði starfa þau innan rústaflokks Sveitarinnar, þar sem Hákon gegnir einnig stöðu formanns flokksins.
Systkinin starfa nú saman sem sviðsstjórar Hamfarasviðs Landsbjargar, þar sem þau sameina reynslu sína af björgunarstörfum og heilbrigðisþjónustu. 

Jón Svanberg Hjartarson er framkvæmdastjóri Neyðarlínunnar (112). Hann hefur starfað að neyðarviðbragði og almannavörnum um langt árabil, meðal annars sem framkvæmdastjóri Slysavarnafélagsins Landsbjargar, sérfræðingur hjá almannavarnadeild ríkislögreglustjóra og sem lögreglumaður á Vestfjörðum. J

Róbert er tölvunarfræðingur og félagi í Hjálparsveit Skáta í Garðabæ og starfar sem forritari. Hann hefur sérhæft sig í drónamálum og þróun hugbúnaðarlausna fyrir hagnýtingu dróna í leit og björgun.

Sveinn Gauti er umhverfisverkfræðingur og félagi í Hjálparsveit Skáta í Garðabæ. Hann starfar hjá Veðurvaktinni og Háskólanum í Reykjavík. Hann hefur sérhæft sig í drónamálum og þróun hugbúnaðarlausna fyrir hagnýtingu dróna í leit og björgun.

Dr. Alun Newsome er reyndur sérfræðingur á sviði leitar og björgunar og hefur víðtæka reynslu af aðgerðum, fræðastarfi og ráðgjöf í flóknu starfsumhverfi þar sem fjölmargar stofnanir og viðbragðsaðilar koma að málum. Hann er virtur sérfræðingur í samhæfingu leitar að týndum einstaklingum á sjó og í afskekktu og krefjandi landslagi. Í starfi sínu hjá Re:Searchers Ltd tengir Alun saman reynslu úr vettvangsaðgerðum, hagnýtar rannsóknir og menntun.

Brock Jenkins er læknanemi og bráðatæknir í sjúkraflugi með sérhæfingu í gjörgæsluflutningum. Hann hefur jafnframt hlotið viðurkenningu á sviði læknisfræði í óbyggðum og við erfiðar aðstæður (Fellow of Extreme and Wilderness Medicine). Hann býr að fjölbreyttri reynslu, allt frá björgunaraðgerðum hátt til fjalla í Klettafjöllum í Colorado til mannúðarverkefna á Haítí, í Palestínu og Úkraínu. Sérsvið hans eru sjúkraflutningar í dreifbýli, klínísk kennsla og ómskoðun á vettvangi utan sjúkrahúsa (POCUS).

Claudia Potok og Evan Gamble eiga sæti í vinnuhópi SAR Alberta um landupplýsingar og kortagerð. Claudia hefur áður gegnt starfi aðgerðastjóra og er nú leitarstjóri hjá Calgary Search and Rescue Association. Hún er menntuð í landupplýsingaverkfræði og starfar sem löggiltur landmælingamaður í Alberta hjá fyrirtæki í Calgary. Evan er varaformaður Wetaskiwin Search and Rescue og þjálfunarstjóri Edmonton Search and Rescue. Hann starfar sem hugbúnaðarverkfræðingur við þróun verkfæra til landfræðilegrar gagnagreiningar fyrir námuiðnaðinn. 

Gestur Gunnarsson er sérfræðingur í klínískri sálfræði og annar stofnenda og eigenda ráðgjafafyrirtækisins R+ atferlismiðuð stjórnun.

Þorbjörg Petrea Pálsdóttir er meðlimur í björgunarsveitinni Ársæli og hefur starfað í björgunarsveitum frá árinu 2008.

Í kjölfar jarðhræringanna í Grindavík starfaði hún sem aðgerðastjórnandi í vettvangsstjórn með það að markmiði að halda samfellu í verkefnum á svæðinu. Þar starfaði hún og öðlaðis reynslu af stjórnun aðgerða, ákvarðanatöku undir álagi og samhæfingu verkefna á vettvangi.

Halldór Kristinsson er skipstjóri á björgunarskipinu Björg í Rifi á Snæfellsnesi. Hann starfar sem skipstjóri og útgerðarstjóri ásamt að vera meðlimur í Björgunarsveitinni Lífsbjörg.

Hef starfað í yfir 40 ár innan björgunarsveitanna. Sem aðgerðastjóri, þjálfunarstjóri, formaður einingar, gjaldkeri og innan alþjóðastamstarfs.

Sigurður Ingi Hauksson hefur starfað sem forstöðumaður dreifikerfa hjá Neyðarlínunni frá árinu 2016 og fer þar meðal annars með rekstur TETRA-kerfisins og Vaktstöðvar siglinga. Hann er fulltrúi Neyðarlínunnar í NÖF-samstarfinu og sem slíkur fulltrúi fjarskiptageirans í áhöfn Samhæfingarstöðvar almannavarna (SST). 

Ég er víóluleikari í Sinfóníuhljómsveit Íslands, leiðsögumaður og mikill náttúruunnandi 

Faðir minn Jón Sigurgeirsson ( 1909-2000) var í björgunarleiðangrinum sem bjargaði áhöfn Geysis sem fórst á Vatnajökli  árið 1950.  Ég hef mikinn áhuga á að koma frásögn föður míns, um þetta einstaka björgunarafrek, á framfæri og hef til þess dagbækur og greinar hans.

Við erum meðlimir í Björgunarsveitinni Sæbjörg á Flateyri. Við vorum formaður og varaformaður þegar snjóflóðin féllu 14. janúar 2020. Þessa nótt féllu tvö stór flóð sem fóru bæði yfir varnargarðana. Annað fór í höfnina og tók bátana en hitt lenti á húsi þar sem unglingsstúlka grófst undir.

Peter er forstjóri Eagle Eyes Search. Hann er með doktorsgráðu í vélrænu námi og hefur yfir áratuga reynslu á sviði vélmennafræði og sjálfvirkra kerfa. Áður en hann stofnaði Eagle Eyes starfaði hann hjá Brain Corp, þar sem hann leiddi teymi sem unnu að skynjun og leiðsögn fyrir þúsundir starfandi vélmenna.

Marcia Koenig hefur starfað við þjálfun leitar- og björgunarhunda í Bandaríkjunum frá árinu 1972. Hún hefur, ásamt leitarhundum sínum, tekið þátt í viðbragði við hamförum og slysum á borð við flugslys, aurflóð, bruna, hvirfilbylji, fellibylji, snjó og vatnsleit. Hún hefur ekki unnið við eldgosaaðstæður, en hefur þó starfað á eldfjallajarðvegi.

Ég er hjúkrunarfræðingur og starfa á bráðamóttöku Landspítalans, en ásamt því hef ég sinnt sjálfboðaliðastörfum með björgunarsveitum Landsbjargar í um áratug og er að leggja lokahönd á mastersnám í hamfarastjórnun við Kaupmannahafnarháskóla. Í lokaverkefninu mínu skoða ég mismunandi nálganir til þess að efla viðbragðsgetu í dreifbýli á norðurslóðum.

Í björgunarsveitarstarfi frá lokum síðustu aldar Í áhöfn björgunarskipsins Hafbjargar Sat í nýsmíðanefnd björgunarskipa Núverandi formaður framkvæmdastjórnar björgunarbátasjóða. Sviðstjóri sjóbjörgunar hjá björgunarskólanum

Páll Ágúst er doktorsnemi í veðurfræði og hefur til margra ára verið félagi í björgunarsveitum Slysavarnafélagsins Landsbjargar. Áður en hann sneri sér að fræðastörfum starfaði hann sem veðurfræðingur, bæði hjá Veðurstofu Íslands og í einkageiranum. Hann hefur einnig víðtæka reynslu úr útivist og leiðsögn, meðal annars sem fjallaleiðsögumaður og jöklaleiðsögumaður á Íslandi, í Svíþjóð og á Grænlandi.

Júlíus er þjóðfræðingur og starfaði lengi sem lögreglumaður auk þess að hafa reynslu af störfum í björgunarsveit. Hann er höfundur og útgefandi bókarinnar Í framlínu - lögreglumenn segja frá, sem kom út nýlega. Júlíus er jafnframt einn þriggja höfunda bókarinnar Til taks, sem kom út árið 2024 og segir sögu þyrlusveitar Landhelgisgæslunnar.

Ég er félagi í Björgunarfélagi Ísafjarðar, hef starfað í félaginu í 19 ár og verið virkur í sjóbjörgun s,l 14 ár og starfað sem skipstjóri og vélstjóri á björgunarskipum frá Ísafirði.    

Ég hef verið félagi í Central Okanagan Search and Rescue í Kanada í 15 ár og hef starfað sem leitarstjórnandi síðustu 5,5 árin. Hingað til hef ég stýrt yfir 280 verkefnum.

Ég hef einnig hlotið vottun sem neyðarstjórnandi og er með 400-stigs þjálfun í Incident Command System í Kanada. 

Andrew er stjórnandi á sviði neyðarstjórnunar í Ástralíu og lauk nýverið Churchill Fellowship-verkefni þar sem hann rannsakaði hvernig samfélög virkjast til að aðstoða þegar hamfarir verða. Hann mun fjalla um vaxandi hlutverk samfélagsins í leitar- og björgunarstarfi og hvernig viðbragðsstofnanir geta nýtt sameiginlegt afl samfélagsins, um leið og dregið er úr áhættu.

Christina „Rocky“ Combs er fyrrverandi Senior Enlisted Leader við Air Force Rescue Coordination Center (AFRCC), björgunarstjórnstöð bandaríska flughersins, þar sem hún starfaði í miðju samhæfingar leitar- og björgunaraðgerða á landsvísu á meginlandi Bandaríkjanna. Í þessu hlutverki tók hún þátt í að hafa yfirumsjón með aðgerðaviðbúnaði, þjálfun og framkvæmd verkefna allan sólarhringinn, í flóknu samstarfsneti hernaðarlegra, borgaralegra og sjálfboðaliða í leitar- og björgunarstarfi.

Dario er prófessor emeritus við bráðalækningadeild University of New Mexico (UNM) í Bandaríkjunum og læknisfræðilegur stjórnandi International Mountain Medicine Center. Hann er kennari í DiMM-námi við UNM, í Síle (GREMM), í meistaranámi í bráðalækningum í fjalllendi á Ítalíu og hjá Silverton Mountain Rescue í Colorado.

Jake Cleal-Cook er björgunarmaður í áhöfn Westpac Life Saver Rescue Helicopter í Sydney í Ástralíu, þar sem hann sérhæfir sig í hífingaraðgerðum með þyrlu við björgun á sjó.

Hann hefur verið sendur á vettvang umfangsmikilla flóða og tekið þátt í björgunaraðgerðum við flóknar og ört breytilegar aðstæður, þar sem aðgengi, upplýsingar og tími eru oft af skornum skammti. 

Jón Haukur hefur starfað með Hjálparsveit skáta í Kópavogi síðan 1987 lengst af í verkefnum tengdum fjallabjörgun. Hann hefur einnig séð um þróun og viðhald útvistarsvæðisins í Esjuhlíðum. Fyrirlesturinn fjallar um slys og aðgerðir á Esjunni síðastliðin 50 ár og hvaða reynslu má mögulega draga af þeim.

Ég heiti Vigdís Kristín og er doktorsnemi við Háskólann í Reykjavík. Ég rannsaka geðheilsu þjálfaðra sjálfboðaliða sem bregðast við náttúruhamförum. Rannsóknin sem ég vinn að beinist að kvíða, þunglyndi, áfallastreituröskun og kulnun meðal sjálfboðaliða í Landsbjörg í kjölfar eldgossins við Grindavík

Peter er kapteinn hjá DEMA – dönsku almannavönunum– með yfir 30 ára reynslu af slökkvi- og björgunarstarfi, bæði innanlands og á alþjóðavettvangi. Sérfræðingur í köfunum, björgunarköfunar kennari og skipaður prófdómari fyrir dönsku atvinnukafarapróf (SCUBA).

Charles Combs hefur meira en tveggja áratuga reynslu á sviði almannaöryggis, þar á meðal í bráðasjúkraþjónustu, leit og björgun og aðgerðarstjórnun. Hann er fyrrverandi taktískur sjúkraflutningamaður og forstöðumaður bráðasjúkraþjónustu með víðtæka reynslu af aðgerðum í áhættusömum og flóknum aðstæðum.

Shaun er hjúkrunarfræðingur og gjörgæslusjúkraflutningamaður (Critical Care Paramedic) með reynslu í HEMS/SAR/USAR, með 20 ára reynslu í HEMS og yfir 2.500 útköll að baki, auk 40 ára starfsferils í heilbrigðisþjónustu. 

Aebhric er fyrrverandi Green Beret-sérsveitarmaður í bandaríska hernum, hitabeltishjúkrunarfræðingur og löggiltur sérfræðingur í bráðaflutningum gjörgæslusjúklinga.

Dr. Jorian (Jo) Kippax er sérfræðingur í sjúkraflutningum og sérhæfðum björgunarflutningum hjá Critical Care and Retrieval Service Ambulance Tasmania (AT-CCR), áfallasérfræðingur við Royal Hobart Hospital, varaliðsforingi í ástralska hernum.

Ragnar er fagstjóri landupplýsingakerfa á Veðurstofu Íslands, sporðamælingamaður og landeigandi í Reykjarfirði og félagi í Björgunarsveit Hafnarfjarðar.

Hrafnhildur er jöklafræðingur á Veðurstofu Íslands, varaformaður Jöklarannsóknafélags Íslands, félagi í Hjálparsveit skáta í Reykjavík og veit fátt betra en að vera upp á jökli.

Niclas er með doktorsgráðu í hernaðarsálfræði frá Karolinska Institutet í Stokkhólmi og starfar nú sem sérfræðingur í mannlegum þáttum (human factors) hjá Vattenfall AB í Svíþjóð

Brenda Dietzman ofursti á eftirlaunum, er alþjóðlega viðurkenndur fyrirlesari og þjálfari sem sérhæfir sig í seiglu og vellíðan í störfum þar sem mikið er í húfi. Með yfir 28 ára reynslu úr löggæslu og fangelsismálakerfi miðlar Brenda hagnýtum og gagnreyndum aðferðum sem hjálpa einstaklingum og stofnunum að dafna undir miklu álagi. 

Julie er námskrárstjóri hjá Wilderness Medical Associates International og hefur starfað hjá þeim sem yfirkennari frá árinu 2002. Hún er sjúkraflutningamaður, skráður hjúkrunarfræðingur og flug­hjúkrunarfræðingur.

Jamie Pattison er reynslumikill sjúkraflutningamaður og ævintýraíþróttamaður sem sérhæfir sig í sjúkraþjónustu utan sjúkrahúsa í afskekktum, köldum og áhættusömum aðstæðum. 

Kyle hefur verið félagi í björgunarsveitinni í Chattanooga í 10 ár. Hann hefur tekið þátt í fjömörgum hellabjörgunum í suð austurhluta Bandaríkjanna.

JC Ferguson er tveggja dætra faðir og starfar sem yfirmaður hjá Austin-Travis County EMS í Austin í Texas í Bandaríkjunum. Hann hefur umsjón með teymi sem sinnir viðbragði á sérstökum viðburðum og í neyðartilvikum og gegndi áður starfi þjálfunarstjóra í tíu ár. JC hóf störf við almannaöryggi árið 2003 og hefur síðan gegnt fjölbreyttum störfum innan slökkviliðs, sjúkraflutninga og neyðarsamskipta. 

Eoin er sjálfboðaliði hjá Exmoor Search & Rescue þar sem hann gegnir störfum stjórnarformanns, björgunarmanns og þjálfunarstjóra.

Dr. Smith er læknir sérhæfður í bráðaþjónustu og sjúkraflutningum (EMS) og starfar í Jackson Hole í Wyoming-ríki. Hann er jafnframt aðstoðarkennari við læknadeild Washington-háskóla.

Christophe Didelot er vörusérfræðingur hjá Public Safety-sviði W. L. Gore & Associates, þar sem hann styður við þróun háþróaðra hlífðarlausna fyrir slökkviliðs- og björgunarfólk. Hann hefur meira en 25 ára reynslu af fjölliðu- og textíltækni og hefur helgað starfsferil sinn því að bæta öryggi, þægindi og frammistöðu hlífðarfatnaðar sem notaður er við krefjandi aðstæður í neyðarviðbragði.

Axel er frá Akureyri á Íslandi, þar sem hann er í fullu starfi sem slökkviliðsmaður og bráðaliði og sinnir einnig sjúkraflugi. 

Joanne og Greg Varney voru sjálfboðaliðar í leitar- og björgunarstarfi frá árinu 1996 þar til þau létu af störfum árið 2025. Þau tóku þátt í hundruðum leitar- og björgunaraðgerða vegna týndra einstaklinga og tóku viðtöl við fjölskyldumeðlimi í mörgum þeirra aðgerða. Þau hafa tekið þátt í leitum að týndu fólki og líkamsleifum, meðal annars í þéttbýli, óbyggðum, aurflóðum og húsarústum.