Dr. Sarah Spelsberg er framkvæmdastjóri Bandaríska hluta World Extreme Medicine, læknisfræðilegur verkefnastjóri fyrir Project NEPTUNE 100 og starfar einnig í hlutastarfi við bæklunarskurðdeild Mayo Clinic þar sem hún gegnir stöðu aðstoðarprófessors.

Kevin Grange er sjúkraflutningamaður í þyrluþjónustu á sviði gjörgæsluflutninga og starfar jafnframt sem slökkviliðs- og sjúkraflutningamaður hjá Jackson Hole Fire/EMS í Wyoming.

JC hóf að vinna við almannaöryggi árið 2003 og hefur síðan þá unnið að margskonar störfum innan slökkviliðs og sjúkraflutninga víða um Bandaríkin. Síðustu 14 ár hefur hann helgað samskiptum á ögurstundu í Austin í Texas.

Svæfinga- og gjörgæslulæknir með reynslu af sjúkraflutningum, verkefnum á Suðurskautslandinu og afskekktum/fjandsamlegum aðstæðum.

Jón Haukur hefur starfað með Hjálparsveit skáta í Kópavogi síðan 1987 lengst af í verkefnum tengdum fjallabjörgun. Hann hefur einnig séð um þróun og viðhald útvistarsvæðisins í Esjuhlíðum. Fyrirlesturinn fjallar um slys og aðgerðir á Esjunni síðastliðin 50 ár og hvaða reynslu má mögulega draga af þeim.

Ég heiti Vigdís Kristín og er doktorsnemi við Háskólann í Reykjavík. Ég rannsaka geðheilsu þjálfaðra sjálfboðaliða sem bregðast við náttúruhamförum. Rannsóknin sem ég vinn að beinist að kvíða, þunglyndi, áfallastreituröskun og kulnun meðal sjálfboðaliða í Landsbjörg í kjölfar eldgossins við Grindavík

Peter er kapteinn hjá DEMA – dönsku almannavönunum– með yfir 30 ára reynslu af slökkvi- og björgunarstarfi, bæði innanlands og á alþjóðavettvangi. Sérfræðingur í köfunum, björgunarköfunar kennari og skipaður prófdómari fyrir dönsku atvinnukafarapróf (SCUBA).

Charles Combs hefur meira en tveggja áratuga reynslu á sviði almannaöryggis, þar á meðal í bráðasjúkraþjónustu, leit og björgun og aðgerðarstjórnun. Hann er fyrrverandi taktískur sjúkraflutningamaður og forstöðumaður bráðasjúkraþjónustu með víðtæka reynslu af aðgerðum í áhættusömum og flóknum aðstæðum.

Shaun er hjúkrunarfræðingur og gjörgæslusjúkraflutningamaður (Critical Care Paramedic) með reynslu í HEMS/SAR/USAR, með 20 ára reynslu í HEMS og yfir 2.500 útköll að baki, auk 40 ára starfsferils í heilbrigðisþjónustu. 

Matt Wheble er reyndur sérfræðingur á sviði neyðarstjórnunar og leitar- og björgunarmála með meira en 20 ára reynslu af vettvangsviðbrögðum, samhæfingu aðgerða, ráðgjöf og stjórnun við áhættusamar og tímafrekar aðstæður.

Matthew trúir á anda sjálfboðastarfs og mannúðar. Björgunarstarf gefur honum tækifæri til að skapa dýpri merkingu og tilgang í því hafumhverfi sem hann elskar. Hann er brimbrettamaður og sjómaður í anda „waterman“ sem nýtur þess að upplifa hafið á náinn hátt.

Aebhric er fyrrverandi Green Beret-sérsveitarmaður í bandaríska hernum, hitabeltishjúkrunarfræðingur og löggiltur sérfræðingur í bráðaflutningum gjörgæslusjúklinga.

Dr. Jorian (Jo) Kippax er sérfræðingur í sjúkraflutningum og sérhæfðum björgunarflutningum hjá Critical Care and Retrieval Service Ambulance Tasmania (AT-CCR), áfallasérfræðingur við Royal Hobart Hospital, varaliðsforingi í ástralska hernum.

Ragnar er fagstjóri landupplýsingakerfa á Veðurstofu Íslands, sporðamælingamaður og landeigandi í Reykjarfirði og félagi í Björgunarsveit Hafnarfjarðar.

Hrafnhildur er jöklafræðingur á Veðurstofu Íslands, varaformaður Jöklarannsóknafélags Íslands, félagi í Hjálparsveit skáta í Reykjavík og veit fátt betra en að vera upp á jökli.

Niclas er með doktorsgráðu í hernaðarsálfræði frá Karolinska Institutet í Stokkhólmi og starfar nú sem sérfræðingur í mannlegum þáttum (human factors) hjá Vattenfall AB í Svíþjóð

Brenda Dietzman ofursti á eftirlaunum, er alþjóðlega viðurkenndur fyrirlesari og þjálfari sem sérhæfir sig í seiglu og vellíðan í störfum þar sem mikið er í húfi. Með yfir 28 ára reynslu úr löggæslu og fangelsismálakerfi miðlar Brenda hagnýtum og gagnreyndum aðferðum sem hjálpa einstaklingum og stofnunum að dafna undir miklu álagi. 

Dr. Angela Trego, PE, PMP, er eldflaugaverkfræðingur, kraftmikill aðalfyrirlesari og margverðlaunaður háskólakennari sem hefur hvatt áfram og þjálfað þúsundir einstaklinga í sex heimsálfum. 

Í rúma tvo áratugi hefur Dave Weber starfað sem björgunartæknir, læknir á afskekktum vinnustöðum, stjórnað rekstri björgunarþyrla og verið kennari í sérhæfðri færni. Hann er eigandi fyrirtækisins Mountain Rescue Collective, LLC, sem sérhæfir sig í tæknilegri þjálfun og mati á björgunaráætlunum og viðbragðsgetu.

Julie er námskrárstjóri hjá Wilderness Medical Associates International og hefur starfað hjá þeim sem yfirkennari frá árinu 2002. Hún er sjúkraflutningamaður, skráður hjúkrunarfræðingur og flug­hjúkrunarfræðingur.

Ráðgjafí svæfinga- og gjörgæslulækningum og í þyrlusjúkraflutningum (HEMS) í Svíþjóð. Er að vinna að doktorsritgerð á sviði tilraunarannsókna í áverkalækningum og ofkælingu.

Jamie Pattison er reynslumikill sjúkraflutningamaður og ævintýraíþróttamaður sem sérhæfir sig í sjúkraþjónustu utan sjúkrahúsa í afskekktum, köldum og áhættusömum aðstæðum. 

Kyle hefur verið félagi í björgunarsveitinni í Chattanooga í 10 ár. Hann hefur tekið þátt í fjömörgum hellabjörgunum í suð austurhluta Bandaríkjanna.

Eoin er sjálfboðaliði hjá Exmoor Search & Rescue þar sem hann gegnir störfum stjórnarformanns, björgunarmanns og þjálfunarstjóra.

Dr. Smith er læknir sérhæfður í bráðaþjónustu og sjúkraflutningum (EMS) og starfar í Jackson Hole í Wyoming-ríki. Hann er jafnframt aðstoðarkennari við læknadeild Washington-háskóla.

Seamus Bradley hefur tekið virkan þátt í fjallabjörgun á Írlandi frá árinu 1993. Í vettvangsstörfum hefur hann verið liðsstjóri North West Mountain Rescue Team og Donegal Mountain Rescue Team á norðvesturhluta Írlands.