Hansen Protection er norskt fyrirtæki sem á rætur sínar að rekja til ársins 1877 og þróar hlífðarlausnir fyrir fólk sem starfar við einhverjar mest krefjandi aðstæður,  á sjó,  björgun og varnarmál.

Fredrik Eide er lykilviðskiptastjóri fyrir varnarmál, lögreglumál og leit og björgun hjá Hansen Protection. Bakgrunnur hans er úr norska hernum, alþjóðlegum verkefnum og rekstrarreynslu úr slökkvi- og björgunarþjónustu. Sú reynsla hefur veitt honum innsýn í þær kröfur sem gerðar eru til starfsfólks sem vinnur við áhættusamar aðstæður þar sem tími skiptir sköpum.

Erling Høydahl er sölustjóri persónuhlífa fyrir Norðurlönd hjá Hansen Protection. Bakgrunnur hans er úr norsku strandgæslunni, hann er menntaður atvinnukafari og hefur víðtæka reynslu af samstarfi við varnaraðila, sjórekstur, leitar- og björgunarsamtök og aðra viðbragðsaðila um Norðurlönd.

Fredrik og Erling byggja starf sitt bæði á rekstrarlegri og viðskiptalegri reynslu og vinna náið með fagfólki á vettvangi til að skilja þær áskoranir sem fylgja störfum í erfiðu umhverfi þar sem öryggi, áreiðanleiki og viðbúnaður skipta sköpum. Á Björgun munu þeir fjalla um hvernig búnaður, þjálfun, þjónusta og líftímastjórnun búnaðar, stuðlar að rekstrarviðbúnaði og hjálpa þannig  stofnunum og samtökum að viðhalda hæsta mögulega öryggis- og frammistöðustigi.