Í kjölfar banaslyss árið 2024 var stofnað fagráð í Vatnajökulsþjóðgarði til að veita ferðaþjónustuaðilum og þjóðgarðinum ráðgjöf um öryggismál í jökla- og íshellaferðum. Árið 2026 var sambærilegt ráð stofnað vegna versnandi aðstæðna á Sólheimajökli.

Í fyrirlestrinum verður fjallað um þær áskoranir sem fylgja starfsemi í síbreytilegu umhverfi og um hvernig efla megi samstarf milli ólíkra ferðaþjónustuaðila. Einnig verður fjallað um hvernig verkfæri á borð við GLACIS, sameiginlegan vettvang fyrir kvikt áhættumat, og markviss nýting ljósmyndamælinga og LIDAR-kortlagningar geta stuðlað að betri sameiginlegri stöðumynd.