Sigurður Ingi Hauksson hefur starfað sem forstöðumaður dreifikerfa hjá Neyðarlínunni frá árinu 2016 og fer þar meðal annars með rekstur TETRA-kerfisins og Vaktstöðvar siglinga. Hann er fulltrúi Neyðarlínunnar í NÖF-samstarfinu og sem slíkur fulltrúi fjarskiptageirans í áhöfn Samhæfingarstöðvar almannavarna (SST). Áður starfaði Sigurður sem deildarstjóri þráðlausra fjarskipta hjá Vodafone og þar á undan hjá Pósti og síma, meðal annars við útbreiðsluáætlanir og mælingar. Sigurður býr að rúmlega 35 ára reynslu af rekstri tækni- og fjarskiptakerfa, með áherslu á þráðlaus fjarskipti og innviði fjarskiptakerfa. Í frítíma sínum ferðast hann um landið til að kynnast því enn betur.