Við þróum venjulega nýja tækni og vörur með sérstakan markhóp í huga en komumst stundum að því að annar hópur hefur sömu þarfir en hefur hreinlega ekki fundið réttu vöruna eða hefur ekki vitneskju um að tiltekin vara sé til.

Í viðleitni okkar til að þróa tæknilegan björgunarfatnað komumst við að raun um að þarfir starfsmanna neyðarþjónustu og björgunarsveita eru að mörgu leyti þær sömu og slökkviliðsmanna þegar þessir hópar athafna sig á sama slysstað, en núverandi persónuhlífar veita þeim ekki sömu vernd.

Þegar áhættugreining var gerð kom í ljós að sömu þarfir eru til staðar, en í okkar tilfelli svarar tæknilausn okkar væntingum þeirra.

Í fyrirlestrinum okkar munum við ræða hvernig við völdum bestu mögulegu málamiðlunina fyrir nýjustu tækni okkar og deilum einnig reynslu okkar af endurgjöf hópa sem hafa uppgötvað eða tjáð þarfir sínar eftir að hafa prófað vöruna.

Viðbragðsaðilar nútímans þurfa að takast á við fjölbreytt verkefni við ólíkar aðstæður, en hlífðarfatnaður þeirra er oft hannaður með aðeins eina tegund verkefna í huga. Í þessum fyrirlestri verður kynnt nýtt lagskipt hlífðarkerfi sem sameinar hreyfanleika, veðurvörn og stigskipt hitavarnir.

Kerfið gerir slökkviliðs- og björgunarfólki kleift að aðlaga verndarstig sitt að áhættu hvers verkefnis, um leið og það eykur þægindi og skilvirkni við störf.