Landsbjörg notar vefkökur til að bæta upplifun og greina umferð um vefinn.
Nánar um vefkökunotkun
Go to navigation .
Dr. Robert J. Koester gekk fyrst til liðs við Appalachian Search & Rescue Conference árið 1981 og hefur síðan tekið þátt í hundruðum leitarverkefna, þar af í meira en hundrað skipti sem aðgerðastjóri. Í dag starfar hann sem leitarstjórnandi og leiðbeinandi hjá almannavarnastofnun Virginíuríkis, Virginia Department of Emergency Management. Hann lauk doktorsprófi frá University of Portsmouth á sviði leitarfræða.Hann er félagi í Royal Geographical Society og Institute of Search & Technical Rescue. Árið 2025 var hann valinn áhrifamesti einstaklingurinn á Global Search & Rescue Excellence Awards.Framlag hans til leitar- og björgunarstarfs er umfangsmikið og hann hefur verið brautryðjandi í rannsóknum á leitarfræðum og hegðun týndra einstaklinga (Lost Person Behavior), þróun nýrra flokka leitarviðfanga, innleiðingu svokallaðrar reflex tasking-aðferðafræði og hann hefur stundað vettvangsrannsóknir á líkum á fundi (Probability of Detection).Hann stofnaði og heldur utan um International Search & Rescue Incident Database (ISRID), alþjóðlegan gagnagrunn um leitar- og björgunaratvik, sem nú inniheldur upplýsingar um meira en hálfa milljón atvika.Dr. Koester hefur skrifað fjölda bóka og vísindagreina, þar á meðal Lost Person Behavior. Hann hefur haldið fyrirlestra víða um heim og er reglulega leitað til hans af stórum fjölmiðlum vegna sérþekkingar hans á leit og björgun.
Vinna við aðra útgáfu bókarinnar Lost Person Behavior er komin vel á veg. Í fyrirlestrinum verður farið yfir nokkrar af helstu nýjungunum sem bætast við í nýju útgáfunni.Fjallað verður um uppfærð gögn sem verið er að safna, meðal annars frá heimskautasvæðum, fimm mismunandi aðferðir við mat á Probability of Area, formfastari nálgun við sviðsmyndagreiningu og nýjar niðurstöður um viðbrögð týndra einstaklinga. Þar á meðal verða teknar fyrir uppfærðar aðferðir tengdar ákvörðunarpunktum, landslagsgreiningu, hugrænum skekkjum, tilfinningalegum viðbrögðum og hugsanahátt týndra einstaklinga.Einnig verður fjallað um hvernig fólk ratar, sem og svokallaða Developmental Topographical Disorientation, þar sem einstaklingar eiga við viðvarandi erfiðleika að rata og mynda sér staðbundna yfirsýn.Nokkrir af þeim flokkum leitarviðfanga sem áður voru hluti af Lost Person Behavior hafa nú verið þróaðir í sjálfstæðar bækur. Því liggja nú fyrir mun ítarlegri upplýsingar um meðal annars mannrán, týndar flugvélar, neyðarsenda, fjórhjól og einhverfu. Einnig verður fjallað um nýja flokka leitarviðfanga sem bæst hafa við.