Guðmundur Fylkisson


Guðmundur Fylkisson

Guðmundur Fylkisson hefur verið lögregluþjónn síðan 1985 og hóf feril sinn á Ísafirði. Hann hefur unnið hjá Lögreglunni í Reykjavík, Ríkislögreglustjóra og var friðargæsluliði í Bosníu á árunum 2007-2008. Í dag er Guðmundur aðalvarðstjóri og fylgir eftir beiðnum barnaverndar um leit að börnum sem hafa ekki skilað sér heim. Fyrr á þessu ári  fékk hann Samfélagsverðlaun Fréttablaðsins í flokknum “Hvunndagshetjan” .

Týndu börnin

13 okt. 15:00 - 15:45

Árlega fær lögreglan 200-250 leitarbeiðnir frá barnaverndaryfirvöldum vegna ungmenna í stroki.  Sérstakt verkefni hefur verið í gangi hjá lögreglunni í 4 ár vegna þessara mála en áður voru 1-3 ungmenni sem létust úr þessum hópi. Síðan verkefnið hófst hefur ekkert þeirra látist.  Ungmenni þessi glíma við alls kyns vandamál. T.d. fíkni- og hegðunarvandamál, geðrænan vanda og sum búa við bágbornar heimilisaðstæður Lögreglan leitar til Slysavarnafélagsins Landsbjargar í um fimm tilfellum á ári með aðstoð við leitir.    Þegar leitað er að ungmenni í fíknivanda þá vakna spurningar um hvort fordómar hafi áhrif á ákvörðun um viðbragð og umfang slíkrar leitar.