Tómas Gíslason


Tómas Gíslason

Tómas er verkfræðingur að mennt, og hefur útivist að áhugamáli.Tómas gekk í Hjálparsveit skáta í Reykjavík árið 2010 og hefur verið sveitarforingi þar síðan 2014. Hann var ráðinn í starf aðstoðarframkvæmdastjóra hjá Neyðarlínunni árið 2011, og hefur þar að mestu sinnt 112 hluta fyrirtækisins og þá sérstaklega hugúnaðarþróun á sviði staðsetninga. 

Staðsetning - Staðsetning - Staðsetning

13 okt. 15:00 - 15:45

Af hverju erum við enn að tala um þetta?

Fæstir innhringjendur hafa nema mjög grófa hugmynd um hvar þeir eru staddir þegar þeir þurfa neyðaraðstoð, en ætlast þó til þess að 112 geti sent þeim þá hjálp sem þá vantar frá viðeigandi viðbragðsaðila úr næsta nágrenni hins óþekkta vettvangs. Sé neyðin í formi einhverskonar náttúruvár er þess jafnframt vænst að almannavarnir og 112 vari alla þá sem í hættu eru staddir við hinni yfirvofandi vá, en trufli sem fæsta þar fyrir utan.

Eftir að atburður hefur orðið er 112 ætlað að hafa á öllum tímum skýra mynd af því hverjir sé í verkefnum, og hafa til reiðu viðunandi fjarskiptainnviði til að uppfylla allar fjarskiptavæntingar viðbragðsaðila. Munu þær breytast, og þá hvernig?