Gunnar Agnar Vilhjálmsson


Gunnar Agnar Vilhjálmsson

Gunnar starfar sem slökkviliðsmaður, bráðatæknir og kafari hjá Slökkviliði höfuðborgarsvæðisins.  Samhliða því gegnir hann stöðu yfirleiðbeinanda á fjallabjörgunarsviði Björgunarskóla Slysavarnarfélagsins Landsbjargar.  Hann hóf sinn björgunarsveitarferil með Hjálparsveit Skáta á Akranesi árið 1995 og hefur verið viðloðandi björgunarstarf á Akranesi, Akureyri og á höfuðborgarsvæðinu síðan þá.  Síðustu 14 ár hefur hann kennt fjallabjörgun, fjallamennsku, fyrstu hjálp í óbyggðum og björgun úr snjóflóðum fyrir Björgunarskóla Slysavarnarfélagsinns Landsbjargar.  Gunnar hefur komið að stofnun tveggja undanfarahópa utan höfuðborgarsvæðisinns, á Akranesi og á Akureyri.   Og einnig hefur hann tekið að sér þjálfunarverkefni fyrir landflokk slökkviliðs höfuðborgarsvæðisinns.

Grunnnám í fjallabjörgun, hvað býr þar að baki.

13 okt. 11:00 - 11:45

Fyrirlesturinn fjallar um grunnnámskeiðið í fjallabjörgun. Á hverju ári stendur Fjallabjörgunarsvið Björgunarskólans fyrir nokkrum grunnnámskeiðum í faginu. Markmið okkar er að þekkingunni sé dreift um landið og að sveitir í öllum héruðum hafi einhverja getu til að framkvæma björgun úr fjalllendi á öruggan máta.  Fjallabjörgun er sérhæfing sem krefst mikillar vinnu. Flóknar björgunaraðgerðir í fjallendi krefjast mikils mannskapar, búnaðar og oft þurfa björgunarsveitir að reiða sig á stuðningi annara sveita.  Hvernig verður þessi sérhæfing til?  Við hverju mega þátttakendur búast er þeir mæta á þetta námskeið og hvaða dyr opnar það fyrir þau?  Hversu mikilvægt er að þekkingunni sé dreift um landið og er þörf á frekari sérhæfingu.