Vaskir fjallagarpar frá Akureyri og Reykjavík héldu strax af stað í átt að slysstað sem var í rúmlega 1800 m hæð Bárðarbungu á Vatnajökli. Bandarískir hermenn gera til tilraunir til að bjarga fólkinu af jöklinum en þær mistakast. Þjóðin lagði allt sitt traust á íslensku björgunarmennina. Þann 20 september leggja níu björgunarmenn á jökulinn, sumir gengu 70 - 80 km á jöklinum nánast hvíldarlaust, eftir að hafa ekið yfir lítt kannaða öræfaleið, yfir hættuleg vatnsföll og úfin hraun.
Þeim tekst að bjarga samtals 10 mönnum úr lífshættu ofan af jöklinum þrátt fyrir að fjölmargt hafi farið úrskeiðis frá hendi yfirskipulagsstjórnar. Segja má að gæfan hafi fylgt björgunarmönnunum.