Þessi fyrirlestur er ætlaður leitarhundastjórnendum sem gætu verið meðal fyrstu viðbragðsaðila á hamfaravettvangi, áður en sérhæfðar rústabjörgunarsveitir koma á staðinn. Fjallað verður um hvaða færni þarf til að bregðast við slíkum aðstæðum og hvernig það er gert með öruggum hætti. Þessi færni nýtist einnig við aðrar tegundir leitar. Viðfangsefni fyrirlestursins eru: lyktarfræði, öryggi, merkingar hunds, hindranaþjálfun, leit í byggingum, rústaleit og leit að lifandi fólki.