Guy Mansfield, Ph.D.


Guy Mansfield, Ph.D.

Dr. Guy Mansfield hefur tekið virkan þátt í björgunaraðgerðum allt frá árinu 2008 og er félagsmaður í fjallabjörgunarsveit Everett-borgar og sjálfboðasveit Snohomish-sýslu sem sinnir björgunarstörfum með leitarhundum. Guy er einn stjórnenda skipulagsdeildar björgunarmála í Washington-ríki, hann hefur kennt leiðsögu í óbyggðum fyrir sjálfboðaleitarsveit Snohomish-sýslu og gegnt stöðu yfirmanns aðgerðasviðs og skipulagssviðs í sumum umfangsmeiri leitaraðgerðum í norðvesturhluta Washington-ríkis.

Snjallari leit og björgun: Þekkingaryfirfærsla og meðferð vísbendinga

12 okt. 16:00 - 16:45

Leitarstjórnendur (viðbragðsstjórnendur, stjórnendur áætlanagerðar, stjórnendur aðgerða) þurfa í sífellu að bregðast við ofgnótt upplýsinga, umfram það sem eðlileg mannleg úrvinnslugeta ræður við. Þeir þurfa að muna að framkvæma ótal mikilvægar aðgerðir, taka saman og greina flóknar leitaráætlanir, og þeir þurfa að tileinka sér víðtækt og nákvæmt næmi á aðstæður á hinum ýmsu stigum leitaraðgerða.
Á þessum fundi verður lýst þremur aðferðum sem við höfum þróað til að hjálpa til við að takast á við ofgnótt upplýsinga. (1) Undirbúningsáætlanir um leit og björgun – fyrir leitarsvæði þar sem við sinnum ítrekað útköllum, (2) Flýtileiðbeiningar um leit og björgun – samantektir á upplýsingum um stjórnun leitar- og björgunaraðgerða, aðgengilegar á farsímum, og (3) Meðhöndlun vísbendinga – formlegar og staðlaðar aðferðalýsingar á meðhöndlun vísbendinga fyrir leitarflokka og leitarstjórnendur.




Skipulagsdeild björgunarmála í Washington-ríki: Svæðisbundin úrræði fyrir skipulag flókinna leitaraðgerða.

13 okt. 14:00 - 14:45

Skipulagsdeild björgunarmála í Washington-ríki var stofnuð til að útvega ítarleg úrræði fyrir skipulag leitaraðgerða til að styðja við stjórnunaraðila í neyðartilvikum við langar eða flóknar björgunaraðgerðir.  Á þessum fundi verður lagt fram yfirlit yfir:  Markmið okkar og liðsstyrk og þá þjónustu sem við getum veitt, og einnig dæmi um stuðning okkar við nýlegar leitaraðgerðir.

Helstu hlutverk deildarinnar eru:  Að vinna upplýsingar um neyðaraðstæður í nýtanleg gögn, kynna aðferðir til skipulagningar leitaraðgerða og veita ráðleggingar, tæknileg kortagerðarþjónusta og nýting nýjustu fræðikenninga varðandi leitaraðgerðir til að bregðast við erfiðum leitaraðstæðum.

Deildin býr að teymi sjálfboðaliða sem hafa fengið reynslu af björgunaraðgerðum og eru þrautþjálfaðir í stjórnun og skipulagningu leitaraðgerða.  Við störfum á vegum neyðarstjórnunarstofnunar Washington-ríkis.

Þjónusta skipulagsdeildarinnar getur falið í sér:  Greiningu á neyðaraðstæðum, aðferðir til skipulagningar leitaraðgerða og ráðleggingar, tæknilega kortagerðarþjónustu og nýtingu formlegra fræða á sviði leitaraðgerða.  Þessi stuðningur getur komið fram sem:  Fjarstýrð leitaráætlun sem veitt er stjórnstöð á vettvangi neyðaraðstæðna, aðgerðaáætlun til að bregðast við neyðaraðstæðum eða nýting starfsmanna stuðningsdeildarinnar á vettvangi til að sinna skipulagsaðgerðum.

Dæmi um nýleg verkefni verða meðal annarra:  (1) Leit að týndum göngumanni sem stóð yfir í nokkra mánuði og níu aðgerðatímabil og (2) skipulagning og rekstrarstuðningur deildarinnar við stærstu leit að sönnunargögnum (mannaleifum) í sögu Washington-ríkis.