Anton Berg Carrasco


Anton Berg Carrasco

Anton hefur leiðbeint um nokkurra ára skeið hjá Björgunarskóla Slysavarnarfélagsins Landsbjargar, aðallega á sviði snjóflóða og fjallabjörgunar. Anton er yfirleiðbeinandi snjóflóða hjá skólanum og er starfandi undanfari hjá Súlum, björgunarsveitinni á Akureyri. Anton er starfandi sem slökkviliðs- og neyðarflutningamaður hjá Slökkviliði Akureyrar síðan 2007. Anton hefur m.a. starfað við skíðagæslu á skíðasvæðinu í Hlíðarfjalli. Anton er útskrifaður jarðfræðingur frá Háskóla Íslands, þar sem lokaritgerð hans fjallaði um samband veðurs og snjóflóða. Þá hefur Anton m.a. sótt námskeið og ráðstefnur heima og heiman varðandi snjóflóð og björgun úr snjóflóðum auk annarra starfa er varða málaflokkinn

Viðbragðsaðilar og Snjóflóð

13 okt. 11:00 - 11:45

Anton Berg Carrasco, yfirleiðbeinandi Snjóflóðasviðs Björgunarskóla SL fer yfir greiningu á slysum og nærslysum af völdum snjóflóða hér á landi sl. 12 ár. Í greiningunni kemur m.a. fram hvaða svæði eru útsettari en önnur gagnvart snjóflóðavánni, orsakir og ástæður slysa/nærslysa af svöldum snjóflóða og hvaða ávinningur er af aukningu í tilkynningum snjóflóða. Einnig verður rætt um aðkomu, hlutverk og skyldur mismunandi viðbragðsaðila að snjóflóðatilfellum. Þá verður einnig rætt um mikilvægi tilhlýðilegrar þjálfunar og reynslu þeirra viðbragðsaðila sem koma að snjófflóðatilfellum.